Ambasada e Republikës së Shqipërisë në Athinë njofton se shtetasit të cilët kanë kryer aplikim për dokumente biometrikë (pasaportë dhe kartë identiteti) deri më datë 24 dhjetor 2020 mund të tërheqin dokumentat pranë Zyrës Konsullore në Athinë.

Sporteli i shpërndarjes do të shërbejë çdo ditë pune, nga ora 08:00 deri në orën 15:00, sipas MBIEMRIT të aplikantëve dhe ditëve si më poshtë:

– Ditë e Martë 26.01.2021 =  “A” deri “B”

– Ditë e Mërkurë 27.01.2021 =  “C” deri “D”

– Ditë e Enjte 28.01.2021 = “DH deri “H”

– Ditë e Premte 29.01.2021 =  “I deri “K”

– Ditë e Hënë 01.02.2021 = “L” deri “M”

– Ditë e Martë 02.02.2021 = “N” deri “Q”

– Ditë e Mërkurë 03.02.2021 = “R” deri “SH”

– Ditë e Enjte 04.02.2021 = “T” deri “ZH”

“Qartësohet se sporteli do të shërbejë në bazë të kalendarit të mësipërm. Asnjë qytetar nuk do të shërbehet në datë të ndryshme. Të gjithë ata qytetarë që pas procedurës së aplikimit pranë Ambasadë kanë depozituar deklaratën me përgjegjësi ose kanë dërguar e-mail për dërgimin me postë të dokumenteve të tyre biometrikë të mos paraqiten në sportel pasi dokumentet e tyre janë dërguar.

Në kuadrin e masave kufizuese në fuqi në shtetin grek, lutemi korrektësinë tuaj maksimale gjatë paraqitjes në Zyrën Konsullore, përdorimin e maskave dhe distancimin fizik”, shkruhet në njoftimin e Ambasadës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.