“Albanian American Dual Language & Culture” dhe shkolla “Children of the eagle“ nën drejtimin e zonjës Drita Gjongecaj zhvilloi dje ditën e dytë të Konferencës virtuale “Platforma të mësimit online”
Kjo Konferencë ka si synim krijimin e rrjetit të mësuesve profesionistë me qëllim përdorimin e metodave efikase si dhe perfeksionimin e tyre në kushtet e mësimit online.
Takimi i dytë pati një numër të lartë pjesëmarrësish çka dëshmoi dhe konfirmoi cilësinë dhe domosdoshmërinë e organizimeve të tilla në kushtet e të mësuarit në distancë .
Sesionin e çeli zonja Drita Gjongecaj, drejtore e AADCL dhe shkollës shqipe “Children ot the eagle “si dhe organizatore e Konferencës.
Ajo bëri një përmbledhje të seancës së javës së kaluar dhe prezantoi axhendën .
1.Iris Gjinovci prezantoi platformën “School me -education dhe u ndoq me interesim të lartë nga ndjekësit duke u pasuar nga mjaft pyetje dhe komente .
2.Mirjana Lukic Kim, një shqiptaro-amerikane e cila gjuhën shqipe e ka gjuhë të dytë prezantoi në gjuhën shqipe “Përdorimi i keynote në kompjuterat apple, iphone”. Shqipja e saj e gjallë, trashëgim i gjuhës së prindërve ishte sa frymëzuese po aq edhe provë se me dashuri dhe edukim gjuha e të parëve nuk vdes kurrë edhe pse në dhe të largët.
3.Alban Biba solli energji dhe inteligjencë në këtë sesion përmes “Përdorimit të aplikacioneve Quiz”
- Prezantimin e fundit për këtë sesion e bëri organizatorja e këtij eventi, Drita Gjongecaj e cila në mënyrë profesionale shtjelloi “ Krijimin dhe përdorimin e Google Forms”
Ky takim vazhdoi me pyetje e komente ku ra në sy falenderimi i pjesmarrësve për këtë mundësi kualifikimi si dhe lidhjeje mes njëri -tjetrit ku mësues nga Amerika, Gjermania, Greqia, Belgjika dhe Londra bashkëorientojnë metodat e tyre në funksion të një qëllimi të përbashkët; ruajtjes dhe edukimit të gjuhës, historisë dhe kulturës shqiptare.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.