Sot shënohet 553-vjetori i vdekjes së Heroit Kombëtar Gjergj Kastrioti Skënderbeu, udhëheqësit të parë të shtetit dhe qëndrestarin heroik në mbrojtje të vendit dhe vlerave evropiane.

Figura e tij është një simbol dhe element i idenitetit kombëtar dhe Skënderbeu do të kujtohet ndër breza si udhëheqësi i suksesshëm e mjeshtër i luftës. Veprat e artrit në nderim të heroit kombëtar janë në gjithë botën, duke nisur nga zemra e Tiranës, sheshi me emrin e tij në Shkup, Prishtinë, Mal të Zi , Preshevë, Itali, Austri, Belgjikë, Hungari, Francë, Rumani etj.

Politika e jashtme e tij ishte politikë e aleancave me aktorë të rëndësishëm ndërkombëtarë të kohës, e ndërtuar me inteligjencë e diplomaci.
Ky “flamur frymëzues” i mobilizimit të popujve për liri, “valëvitet” i respektuar anembanë botës. Për trashëgiminë e tij flasin bustet, monumentet, emrat e shesheve e rrugëve të disa prej kryeqyteteve evropiane e botërore. Çdo shqiptar larg atdheut, s’ka si të mos ndihet krenar kur në dhè të huaj lexon: “Skënderbe”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.