Gazetarja shqiptare Renata Dragusha, jeton prej disa vitesh me familjen në Nicë, Francë. Në një intervistë për Report Tv, ajo foli për situatën  e krijuar prej virusit dhe ecurinë e proçesit të vaksinimit.

“Deri tani janë vaksinuar rreth 380 mijë persona në të gjithë Francën, në këtë fazë të parë, vaksinimi është kryer vetëm për grupet e rrezikuara sic janë personat mbi 75 vjeç. Shumë personalitete në fushën e politikës, artit dhe sportit kanë influencuar në marrjen e vaksinës, pasi një pjesë e madhe e popullsisë ka qenë shumë skeptike. 56 % e popullsisë janë të bindur për ta bërë vaksinën “,- theksoi znj. Dragusha.

Renata Dragusha shprehet se Franca rrezikon një karantinë të tretë: “Masat janë marrë dhe nga data 15 kryeministri i vendit daklaroi se ora policore është e vendosur për të gjithë Francën. Nga ora 18:00 të gjithë janë të detyruar të mos dalin. Pas 15 ditëve mund të rimendohet për një karantinë të tretë për Francën, sepse gjendja është shumë alarmante. Për të gjithë udhëtarët jashtë BE do të pranohen vetëm nëpërmjet testit që rezulton negativ”.

Përsa i përket mutacionit të ri të virusit gazetarja shqiptare tregon se ky lloj i ri virusi po mednohet si një rrezik serioz: “Deri tani varianti i ri ka prekur 87 persona në Francë, ndaj po mendohet për një karantinë të tretë sepse mendohet si një rrezik që i kanoset vendit.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.