Komiteti Teknik i Ekspertëve në Shqipëri ka vendosur pezullim të fluturimeve me Britaninë e Madhe deri në datën 1 shkurt.

“Gjithashtu duke qenë se data 18 ishte data e fundit që do të vlerësonim fluturimet me Britaninë e Madhe duke qenë se ka disa informacione të shtuara për rritjen e numrit të rasteve të infektimeve me variantin e ri që ka sjellë rritje të infeksioneve në Mbretërinë e Bashkuar, Komiteti ka marr vendim që fluturimet do të rinë të pezulluara deri më 1 shkurt dhe më pas e kemi sërish në rivlerësim”, tha ministrja e Shëndetësisë Ogerta Manastirliu.

Ndërkohë më herët Mbretëria e Bashkuar mori masa drastike që të ndalojë udhëtimet për në këtë vend për një muaj dhe ata që do të duan të hyjnë duhet të kenë testin negativ PCR.

Lexo edhe- COVID-19/ Mbretëria e Bashkuar mbyll kufijtë për një muaj

Komiteti Teknik i Ekspertëve ka vendosur që masat të vijojnë ato që janë me orarin policor 22.00-06.00. Ministrja e Shëndetësisë Ogerta Manastirliu tha se situata nuk është alarmante dhe në dy javët e fundit mesatarja e infektimeve ditore është 260 raste.

Megjithatë ajo bëri thirrje për të respektuar masat. Për sa i përket mësimit online të universiteteve, ndryshe nga herët e tjera këtë herë vendimi ishte deri në një urdhër të dytë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.