Merita Kraja, sipërmarrësja shqiptare në Arizona, në një intervistë për gazetën “Shoutout Arizona” rrëfen historinë e saj dhe se si ndërtoi biznesin të cilin e drejton që prej 20 vitesh.
Merita ka mbaruar studimet për inxhinieri dhe është angazhuar në shumë projekte. Ajo është zhvendosur në Itali fillimisht dhe pastaj në Shtetet e Bashkuara të Amerikës. Merita është pronare e “Euro Pizza Cafe” të cilin fillimisht e dizenjoi dhe ndërtoi për një klient të saj.
INTERVISTA
Përshëndetje Merita, ne do të dëshironim të dinim më shumë se si e keni menduar fillimin e biznesit tuaj?
Unë jam një inxhiniere civile në edukim. U punësove të hartoja dhe ndërtoja restorantin dhe kur klienti nuk kishte më mundësi të vazhdonte me projektin dhe të niste punimet, unë duhej të merrja një vendim të vështirë. E mbarova dhe e mora përsipër, ideja ime ishte të shisja më vonë. Miku im erdhi nga Italia për të më ndihmuar dhe mësuar se si të gatuaj dhe menaxhoj një restorant. Ndodhi 11 shtatori, nuk mund ta shisja dhe prej 20 vjetësh kam tashmë “Euro Pizza Cafe”. Unë kisha një fëmijë tjetër, nëna ime u transferua me mua dhe retsorani më dha shumë fleksibilitet të jem me fëmijët dhe të kisha një biznes. Unë jam një nënë e vetme me katër fëmijë dhe fëmijët u rritën duke bërë këtu detyrat e shtëpisë dhe duke luajtur në parkun këtu afër. Përqafova aventurën time të re sepse më dha gjithashtu një mundësi për të qenë pjesë e komunitetit të shkëlqyer dhe për të takuar njerëz të mrekullueshëm.
A mund të bëni një prezantim të biznesit tuaj për lexuesit tanë? Ndoshta mund të ndani pak nga ajo që bëni dhe çfarë ju dallon nga të tjerët?
“Euro Pizza Cafe” nisi me shumë sfida. Ishte shumë e vështirë të bëja një punë me orar të plotë dhe të isha një nënë e një vajze. Fillimisht nuk dija asgjë për një restorant, ndërkohë mësova të gatuaja, si të përgatisja vetë menunë etj. Pra, mund të ndërtoja një, por jo si të punoja. Gjithçka që dija, ishte se do jetë dështim. Jo shumë njerëz dalin nga spitali dhe shkojnë në një biznes me një të porsalindur. Unë bëra atë që duhej të bëja, herë duke punuar 15 orë në ditë, herë me paterica, herë nga infermieria dhe kthehesha sërish. Por unë e dua punën time, dhe çdo mëngjes mezi pres të çohem. Ajo që unë dua që të dinë njerëzit është se Euro është restoranti më miqësor ku mund të ndjeheni si në shtëpi dhe të merrni ushqim komod. Euro ka fituar çmimin më të mirë për pica për tetë vitet e fundit. Çdo përbërës dhe pjatë zgjidhet me kujdes dhe bëhet me dashuri. Çdo nevojë dietike do të përmbushet dhe çdo klient është i mirëpritur për tu trajtuar me respekt. Një nga gjerat për të cilat jam krenare janë punëtorët e rinj këtu. Student të shkollave të mesme ose kolegji. Jam e nderuar të jem pjesë e rritje së tyre dhe t’u mësoj etikën e punës dhe mësimet e jetës. Euro mirëpret diversitetin.
Ndonjë vend për të ngrënë apo gjëra për të bërë që mund ti ndani me lexuesit tanë? Nëse ata kanë një mik që viziton qytetin, cilat janë disa pika ku mund të shkojnë?
Kjo është e lehtë, tek mua vijnë vizitorë nga jashtë gjatë gjithë kohës. Grand Canyon dhe Sedona duhen parë. Arizona është e mahnitëse, keni malet, shkretëtirën, muzetë, kulturën vendase, restorantet e bukura dhe kuzhinat e ndryshme. Unë e dua ushqimin indian, tajlandez, të Lindjes së Mesme. Hiking është një nga hobet e mia të preferuara. Kemi pamje e shtigje të mahnitshme dhe një natyrë shëruese.
Kush tjetër meriton mirënjohje dhe meritë?
Unë kam një staf të mrekullueshëm dhe puna e tyre e palodhur ka të bëjë shumë me sukseset e “Euro Pizza Cafe”. Komuniteti këtu është shumë mbështetës dhe ata na inkurajuan dhe na përqafuan që nga dita e parë. Fëmijët e mi janë frymëzimi im. Unë isha me fat që kisha një edukim të shkëlqyeshëm, prindërit e mi ishin më të mirët që çdokush mund të ketë. “Alchemist” është libri im i preferuar. Jam me origjinë nga Shqipëria; megjithatë të jesh rritur në komunizëm, të bën të vlerësosh lirinë e SHBA-së dhe stilin e jetës, gjithashtu, të jep një nxitje të pakufizuar për tu bërë i suksesshëm.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
