Mësuesit e shkollës “Scanderbeg Parma” në Itali nisën përgatitjet për mësimin online të simestrit të dytë deri në përfundim të vitit shkollor 2020-2021.

Stafi i mësuesve biseduan dhe hodhën ide si mbarëvajtja dhe problematikat e hasura gjatë pjesës së parë të vitit shkollor, kryesisht probleme logjistike mbi kufizimin e qarkullimit, jo vetëm të nxënësve por edhe të mësuesve, për të arritur në qendrën e shkollës, si dhe për problemet e nxënies për grupin e më të vegjëlve pasi mungon kontakti direkt e si rrjedhojë edhe bashkëbisedimi i lirë që shërben si ushtrim për një të folur të rrjedhshme të nxënësve.

Si temë të fundit të vitit të shkollës u vendos që projekti të bazohet mbi librin e rëndësishëm të trashëgimisë shqiptare “Tregime të moçme shqiptare” të autorit Mitrush Kuteli, libër i dhuruar nga Qendra e Botimeve për Diasporën për shkollën tonë.

Do të jetë një projekt i rëndësishëm, ku do të ndërthuren të gjitha lëndët të cilat zhvillohen në shkollën “Scanderbeg Parma”.

Shkolla shqipe “Scanderbeg” në Parma është themeluar në tetor të 2009-ës dhe prej 11 vjetësh tashmë ndihmon në ruajtjen e mësimin e gjuhës shqipe dhe kulturës në brezat e rinj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.