Mediat italianë kujtojnë ndeshjen e tetorit të 1941 mes Juventusit dhe Genoas ku historinë e bëri futbollisti shqiptar Riza Lushta.

Bëhet fjalë për kupën e Italisë më 19 tetor 1941, kur edhe pse Europa e Italia ishin të përfshira në Luftën e Dytë Botërore kampionatet sportive vazhdonin rregullisht.

Bardhëezinjtë mundin Genoa në Stadio Comunale të Torinos, që në atë kohë quhej stadiumi Benito Mussolini, me rezultatin 2-1 me golat e Riza Lushtës, një emër që nuk harrohet në historinë e Juventusit.

Lexo edhe: Riza Lushta, shqiptari i parë që luajti me ekipin e Juventusin

Lushta lindi në Kosovë por u zhvendos në Shqipëri në një moshë të vogël. Ai arriti në Itali, si shqiptarët e tjerë kur Italia fashiste nënshtroi Mbretërinë Shqiptare.

Riza Lushta luajti për Juventusin nga 1940-1945 dhe në fakt ishte atij 5-vjeçari ishte kryesori në skuadër. Suksesi kryesor i Lushtës ishte pikërisht fitorja e Kupës së Italisë nga Juve dhe me tetë gola ai ishte lojtari i parë i huaj që ishte shënuesi më i mirë i kampionatit.

Lexo edhe: 1942 / Çfarë shkruante “Le Miroir Des Sports” për futbollistin Riza Lushta

Pas karrierës së tij si futbollist, Lushta emigroi në SHBA ku punoi në një kompani ashensorësh për më shumë se 20 vjet, para se të kthehej në Itali për të shijuar pensionin e tij në Torino për të dëshmuar kështu lidhjen me qytetin e Juves, ku vdiq në 1997 para se të mbushte 81 vjeç.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.