Kryesia e LAPSH (Lidhja e Arsimtarëve dhe Prindërve Shqiptarë) në Bavari kanë mbajtur një takim virtual me Këshillin e Arsimtarëve, ku janë njoftuar rregullat e reja të mësimit nga Ministria e Kulturës së Bavarisë (Bayerisches Kultusministerium).

Për shkak të kushteve të pandemisë mësimi është shtyrë deri më datë 31 janar dhe shkollat e plotësimit të gjuhës shqipe janë të detyruara të respektojnë këto vendime.

Për hapat e mëtejshëm për mbarëvajtjen e procesit mësimor për mësimin plotësues në gjuhën shqipe koordinatori i Këshillit të Arsimtarëve Mustafa Krasniqi tregoi se mësimi do të vijoi online deri në një vendim të dytë.

“Situata në të cilën po përballet i gjithë globi botëror është sfiduese, kjo dhe ka sjell situata të paparashikueshme, gjë që pa dashjen tonë ndikojnë edhe në organizimin e mirëfilltë të procesit mësimor të shkollës shqipe në Republikën e Bavarisë. Dhe, për këtë kryesia e LAPSH-it ka analizuar situatën dhe ka marrë vendim që procesi mësimore të fillojë nga java e ardhshme, përmes mësimdhënies online.”

Krasniqi më tej paraqiti dy modele të mësimdhënies, ku modeli i dytë ndarja në dy grupe dhe mbajtja e mësimit në grupe jo më shumë se 12 nxënës gjeti një përkrahje tek mësuesve si një model më i pranueshëm dhe i realizueshëm, gjë që dhe kërkoi nga mësimdhënësit të jenë më bashkëpunues me prindërit, për t’i bindur ata se edhe mësimi online është i vlefshëm.

Në këtë videokonferencë të gjithë mësuesit u shprehen të gatshëm për të vijuar procesin mësimor online.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.