Një 25-vjeçar shqiptar ka humbur jetën në mënyrë tragjike në një provincë të Romës si pasojë e një aksidenti.
Mediat italiane raportojnë se ngjarja ndodhi në Montorio Romano, ku humbën jetën Erik Vuka, 25 vjeç dhe shtetasi italian Dante Cappai, 23 vjeç.
Makina që drejtohej nga shqiptari Erik Vuka ka dalë nga rruga në krahun e kundërt dhe për pasojë është përplasur me murin rrethues të varrezave të komunës.
Përplasja ka qenë fatale për 23-vjeçarin italian i cili ndërroi jetë në vendngjarje, ndërsa Vuka u nxor nga mjeti nga forcat zjarrfikëse dhe u dërgua në spital në gjendje të rëndë ku më pas ndërroi jetë.
Ngjarja ka tronditur miqtë e familjarët dhe mbarë komunitetin ku jetonin të rinjtë. Policia po heton shkaqet e aksidentit tragjik.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
