Të rinjtë e “Qendrës Artistike Kulturore shqiptare Margarita Xhepa” në Itali, kanë marrë pjesë në festën e “Ditës së Popujve”, mbajtur dje duke respektuar protokollet mbrojtëse ndaj COVID 19.
“Sot, në katedralen e qytetit, morëm pjesë në takimin e parë për vitin 2021 me të rinjtë tanë dhe të “Migrantes Asti”, për të festuar Ditën e Popujve”, shkruhet në faqen e “Qendrës Artistike Kulturore shqiptare Margarita Xhepa”.
Kjo qendër artistike është pjesë e shoqatës “Assoalbania Piemonte”, e cila ka në strukturën e saj “Qendrën Kombëtare të Artit dhe Kulturës (Shqipe) “Margarita Xhepa” dhe gjithashtu shkollën në gjuhën shqipe “Udha e Shkronjave” ku janë regjistruar rreth 70 fëmijë.
