Tërmeti i fuqishëm në Petrinje të Kroacisë shkaktoi 7 viktima dhe mbi 20 të lënduar, teksa i gjithë qyteti pothuajse është shkatërruar. Lëkundjet vijojnë ende dhe mjaft banorë kanë mbetur jashtë pa strehë.
Deputetja shqiptare në parlamentin e Kroacisë, Ermira Lekaj- Prljaskaj në ka folur lidhur me situatën atje dhe kontributin që kanë dhënë shqiptarët, duke strehuar shumë familje që mbetën pa shtëpi.
Ajo u shpreh se furrtarët të cilët vijnë kryesisht nga rrethi i Hasit, po vazhdojnë të shpërndajnë bukë për të gjithë të prekurit nga tërmeti. “Kishte 7 persona të vdekur dhe mbi 20 të lënduar. Siç e dimë ne shqiptarët jemi human dhe shumë shqiptarë që janë këtu në Kroaci dhe kanë dhënë kontributin e tyre, qendra e Petrinjës ishte tërësisht i rrënuar. Ata kanë përjetuar edhe luftën 20 vite më parë dhe thoshin se kjo është më keq sesa lufta”, tha ajo.
Lexo edhe- Shqiptarët në Zarë në ndihmë të familjeve të dëmtuara nga tërmeti
Shqiptarët në Kroaci gjithashtu kanë hapur një faqe për mbledhjen e fondeve për të ndihmuar për pasojat e tërmetit. Deputetja Lekaj-Prljaskaj përmend dhe rastin e një familjeje shqiptare që ofroi ndihmë që në minutat e para pas tërmetit duke shpërndarë bukë për të prekurit e fatkeqësisë.
“Atë ditë, bashkë me mu, ata i kanë dërguar mbi 2 mijë bukë. Shumica prej tyre janë nga rrethi i Hasit, dhe për çdo ditë dërgojnë bukë për të prekurit. Shumë nga ta ka edhe që i marrin për t’i strehuar në banesat e tyre”, tha ajo në RTV Dukagjini. Rreth 20 mijë shqiptarë jetojnë në qytete të ndryshme në Kroaci, ndërkaq deputetja shqiptare atje tha se besojnë se ka shumë më shumë shqiptarë atje, por që nuk janë deklaruar ende.
Lexo edhe- Shqiptari nga Hasi shpërndan ushqim falas për të prekurit nga tërmeti
“Në Kroaci kemi rreth 20 mijë shqiptarë, të deklaruar si shqiptarë që jetojnë, por ne mendojmë që ekzistojnë më shumë se kaq. Ne e kemi këtu një pjesë, kur fëmija që lind e nuk i kanë prindërit me origjinë nga kroate, atyre hapësira ku u shkruan kombësia nuk e plotësojnë, e lë ë të zbrazët në mënyrë që ata kur të arrijnë moshën madhore të zgjedhin vet se si duan të shkruhen, si ndjehen ata. Prandaj, ka shumë më shumë shqiptarë, por që nuk janë të deklaruar”, u shpreh Lekaj-.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
