Rita Ora shpreson shumë që publiku të pranojë faljen e saj pasi shkeli rregullat e mbrojtjes nga COVID-19.

30-vjeçarja me origjinë shqiptare kërkon falje publike për gabimin e saj pasi festoi ditëlindjen në një restorant me 30 të ftuar.

“The Sun” në publikimin e ditës së diel citon këngëtaren e cila thotë se: “Kërkim falja ime ishte aq e sinqertë dhe vinte nga zemra. Tani thjesht shpresoj dhe lutem që publiku ta shoh këtë gjë, dhe ta pranojë faktin se jam penduar për këtë gabim”.

Por pas festës, ylli me famë botërore shkeli sërish masat e sigurisë pasi nuk u karantinua kur u kthye në shtëpi nga një udhëtim në Egjipt. Madje, ajo doli vullnetare për të paguar shumën maksimale të shkeljes së masave, por mesa duket dhe kjo nuk i ka mjaftuar Britanisë së Madhe, vendi që është goditur rëndë nga koronavirusi.

Duke folur për “The Sun”, Rita Ora e ka pranuar se është plotësisht e vetëdijshme për sakrificat që njerëzit është dashur t’i bëjnë gjatë pandemisë, dhe ndihet e turpëruar për veprimet e saj të papërgjegjshme.

Rita ka qenë ndër yjet e parë që i ka bërë thirrje njerëzve në mbarë botën për të respektuar rregullat.