Mbrojtësi i Kombëtares shqiptare, Ardian Ismajli, debutoi si titullar në Serinë A me fanellën e Specias, në humbjen 2-1 ndaj Interit. 24-vjeçari ishte një nga më të dalluarit në fushën e lojës, teksa u vlerësua nga faqja e specializuar e statistikave “Sofa Score” me notën 7.2.

Ismajli luajti 90 minuta të plota, teksa fitoi 4 nga 5 duele me kundërshtarët. Një tjetër statistikë për t’u admiruar ishin edhe pasimet e sakta, ku shqiptari arriti të jepte saktë plot 91% të pasave.

Me këtë paraqitje shqiptari pritet të ketë fituar besimin e trajnerit të Specias, për një vend titullari stabël me skuadrën e Serisë A.

Futbollisti shqiptar Ardian Ismajli është bërë pjesë e Specias në Seria A në shtator të këtij viti. Ai më parë ka luajtur tek Hajduku i Splitit dhe ky kalim konsiderohet mjaft I rëndësishëm për karrierëne futbollistit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.