Shtetet të ndryshme të Europës kanë ndërmarrë masa drastike për festat e fundvitit, çka ka bërë të ketë një dyndje në pikat kufitare shqiptare me kthimin e emigrantëve për fundvitin, një dyndje e parakohshme kjo por e detyruar për shkak të masave.

Sipas të dhënave zyrtare 3800 udhëtare kanë hyrë vetëm nga porti i Durrësit me tre tragete të linjave me Barin dhe Ankonën.

Për këtë janë hapur 20 sportele, ndërkohë që janë shtuar dhe kontrollet për gjendjen shëndetësore të udhëtarëve. Ndërkohë që në Vlorë kanë hyrë 388 persona.

Sipas masave që ndërmori Italia do të jetë zonë e kuqe me një regjim lockdown të plotë në ditët festive e parafestive të Krishlindjes e të ndërrimit të viteve, ndërsa nga data 24 dhjetor deri më 6 janar 2021,do të aplikohen masa izolimi brenda komunave, rajoneve e provincave.

Edhe shqiptarët që jetojnë e punojnë në Greqi kanë nisur të rikthehen, por me fluks më të ulët lëvizje.

Të dhënat zyrtare bëjnë të ditur se 552 persona kaluan në 24 orët e fundit nga pika kufitare e Kapshticës e cila funksionon vetëm në hyrje për në Shqipëri vetëm për këmbësorët dhe kamionët e mallrave.

Me 758 persona në hyrje dhe 415 në dalje, fluksi ende konsiderohet normal në pikën kufitare të Kakavijës, e vetmja nga ku kryhet lëvizja normale tokësore me Greqinë. ORA News

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.