Kritika entuziaste për regjistrimet e reja të pianistes shqiptare Marsida Koni. Edhe kopertina e CD-së është vepër e bashkëatdhetarit të saj që jeton në Deruta, Kujtim Turkeshi.
Deri para një viti Marsida jetonte në Perugia të Italisë për tu transferuar pas martesës me klarinetistin Pietro Vincenti nga Pili, themelues i Akademisë Italiane të Klarinetës dhe mësues në konservatorin Maderna të Cesena.
Revista muzikore amerikane “Fanfara Magazine” ka publikuar një kritikë entuziaste mbi CD e saj të fundit “Shqipëria në art”, një CD me 5 yje që është shkalla më e lartë e vlerësimit.
Mes të tjerash në vlerësim lexohet: “… pianistja tregon një interpretim elegant dhe të ndjeshëm, i talentuar dhe me profesionalizëm. Pavarësisht vëmendjes së veçantë për repertorin shqiptar, Marsida Koni është një artiste e kompletuar dhe poliedrike…”
Në revistën muzikore thuhet se disqet e Marsida Konit janë të çmuara pasi na japin mundësinë të rigjejmë një pjesë të vetes që e kishim humbur…”.
Përsa i përket përmbajtjes së CD një tjetër kritikë vlerësuese thotë: është emocionuese të zbulosh albumin e Marsida Konit “Shqipëria në art”: Albania Pianon Vorks me vepra të Lec Kurti, Tish Daija, Shpëtim Kushta, Endri Sina e shumë të tjerë. Veprat e tyre u maturuan në komunizëm, gjatë rënies së diktaturës dhe pas luftës civile (1997). Muzika karakterozitohet nga një diapazon i gjerë i elementëve të muzikës popullore shqiptare, të përziera me shije e trende bashkëkohore”.
