Shtetasit shqiptarë të Kosovës kanë menduar që festat t’i kalojnë në vendlindje. Vetëm sot 41 avionë janë ulur dhe do të ulen nga Zvicra e Gjermania në Prishtinë.
Gjithashtu në kufijtë tokësorë është raportuar fluks emigrantësh që kthehen në vendlindje.
Shkak mund të jenë bërë edhe masat e ashpra që Evropa ka vendosur për festat e fundvitit.
Lajmi është bërë i ditur nga Kryeshefi i Korporatës “Sfidat e Mijëvjeçarit” për Kosovë, Petrit Selimi, përmes një postimi në llogarinë e tij në “Twitter”.
“Sfida e jashtëzakonshme e pandemisë – turizmi i Diasporës. 26 fluturime nga Zvicra vetëm sot për të arritur në Aeroportin e Prishtinës. 15 fluturime të tjera nga Gjermania. Ditëve në vijim: dhjetëra mijëra njerëz tjerë do të arrijnë në aeroportet e Shkupit ose Tiranës, si dhe përmes veturave e autobusëve”, ka shkruar Selimi.