Në Austri ka hyrë në fuqi që nga mesnata një regjim i përforcuar duke ashpërsuar masat.

Qeveria austriake dëshiron të bllokojë personat që kthehen në vend të përhapin koronavirusin.

Kushdo që vjen në Austri, prej kësaj të shtune do të duhet të hyjë në karantinë dhjetëditore, dhe mund të të përfundojë më së shpejti pas izolimit pesëditor, nëse ndërkohë bën PCR test ose test për antigjen në harxhim personal, dhe ai rezulton negativ.

Pa kurrfarë kufizimesh në Austri mund të hyjnë personat, të cilët rregullisht vijnë në vend për punë, duke i përfshirë edhe kujdestarët, personat që vijnë për vizitë familjare të paktën një herë në muaj ose personat të cilët kanë marrë ftesë nga gjykata.

Ministri austriak i Punëve të Brendshme, Karl Nehamer, këshillon që të gjithë që arrijnë në vend, të kenë formular të tërësishëm për karantinë para se ta kalojnë kufirin dhe thotë se 2.000 ushtarë do t’u ndihmojnë numrit të madh të policëve vetëm në kufijtë e Austrisë me Hungarinë dhe Slloveninë.

“Edhe më tej do të jetë i mundur kthimi në Austri, por hyrja tani do të jetë shumë më e vështirë”, tha Nehamer.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group

Gazeta Diaspora Shqiptare: https://www.facebook.com/groups/298170677889067