Një lajm i mirë për pilotin shqiptar Lirim Zendeli, i cili tashmë do të garojë në Formula 2.
Ka qenë vetë 21-vjeçari që ka bërë të ditur lajmin në rrjetet sociale.
“Sot është një ditë e veçantë për mua… Më në fund mund t’ju them se do të drejtoj makinën për “Mp Motor Sport” për vitin tim të parë në Formula 2! Falenderues dhe më shumë se 100% i gatshëm për të vazhduar performancën e fortë që tregoi ekipi në vitin 2020″, shkruan Zendeli.
Lexo edhe- Shqiptari që synon Formula 1: Do të bëj shqiponjën në podium
Më 29 gusht të këtij viti piloti shqiptar doli i pari në Formula 3. Deri më tani ai ka garuar me skuadrën e Trident në Formula 3.
Lirimi ka lindur në Bochum të Gjermanisë më 18 tetor 1999. Për herë të parë ka garuar për Gjermaninë në Formula 4 në 2016-tën dhe sukseset e tij vijojnë ende.
