Në ditën Kombëtare te Diasporës më 18 dhjetor në Tiranë do të zhvillohet online mbledhja e Këshillit Koordinues të Diasporës Shqiptare.

Në aktivitet do të marrin pjesë presidenti Ilir Meta, kryeministri Edi Rama, ministrat e kabinetit qeveritar, titullarë të institucioneve sipas fushave të përgjegjësisë dhe koordinatorët shtetërore për Diasporën.

Koordinatorët shtetëror përkatës do të raportojnë për zhvillimet e deritanishme për çështje me rëndësi për shtetasit shqiptarë që banojnë jashtë vendit si: vota e Diasporës, rrjeti i biznesit në Diasporë, marrëveshjet shtetërore në fushën e sigurimeve, marrëveshjet shtetërore për njohjen e lejeve të drejtimit të autoriteteve për shtetasit shqiptarë që jetojnë jashtë vendit, mbrojtjen e të drejtave të të burgosurve shqiptarë jashtë vendit, ndjekjen dhe realizimin e programit “Jam Shqiptar”’, bursat e studimit, bashkimi i fondeve për shkollat shqipe, botimi i teksteve etj.

Aktiviteti do të nisë në orën 11.00 dhe mund të ndiqet live në rrjetet sociale.