Ai ka qenë ndër të parët futbollistë që depërtoi në futbollin europian dhe sot Igli Tare është drejtori sportiv i skuadrës së Lacios.

Një bashkëshort i përkushtuar dhe baba i dy djemve, Igli ka rrëfyer në “Dita e Re” në RTV Ora karrierën e tij por dhe familjen.

Dashurinë për futbollin mesa duket e kanë trashëguar dhe dy djemtë e tij. Si të gjithë prindërit edhe Igli dëshiron që fëmijët e tij mos kalojnë vuajtjet që ai ka kaluar për të arritur këtu ku është sot dhe mundohet që jeta e tyre të jetë sa më e thjeshtë.

“Gjenerata ime ka qenë gjenerata e parë dhe ne kemi hapur dyert për të gjithë brezat e ardhshëm. Ato vuajtjet që ne kemi kaluar në vitet e para kanë qenë të vlefshme sepse në rradhë të parë jemi formuar si njerëz dhe më pas si futbollistë.

Ato eksperiencat nga ana personale, me botën, jetën që na lidhte ne në atë kohë nuk mundohemi t’ja kalojmë dhe fëmijëve tanë sepse ka një kosto. Mundohemi t’ja bëjmë jetën atyre sa më të thjeshtë. Mundohem që fëmijëve tim ti mësoj se çfarë është sakrifica dhe vendosmëria“- tregon ai.