Ambasada e Shqipërisë në Greqi ka njoftuar se nga marrëveshja e dy shteteve është arritur sigurimi i 200 lejeve shtesë hyrje-dalje për për të mos penguar sektorin e tregtisë.
“Pas bashkëpunimit me Ministrinë e Infrastrukturës dhe Transportit të Republikës së Greqisë, u arrit lëshimi i dyqind (200) lejeve shtesë hyrje-dalje dhe tranzit me qëllim sigurimin e rrjedhës normale të tregtisë”, thuhet në njoftimin e Ambasadës.
Lajmi është bërë i ditur edhe nga zëvëndës Ministri Etjen Xhafaj: “Në një vit të vështirë për transportin ndërkombëtar, në bashkëpunim me Ambasadën tonë në Greqi, e pas disa kontaktesh me zv. Ministrin e Infrastrukturës së Greqisë Z. Ioannis Kefalogiannis, kemi arritur të firmosim vendimin për të siguruar 200 leje shtese për transportin rrugor të mallrave me Greqinë deri në fund të Janarit 2021, sipas kërkesës ardhur prej grupeve të interesit. Shtesa aktuale prej 10% të kuotës vjetore së lejeve do të garantojë funksionimin normal e të vazhdueshëm të tregtisë dhe shkëmbimeve ekonomike mes dy vendeve tona, deri në negociimin e kuotave të tranzitit për vitin 2021, në muajin Janar.”
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.