Të dielën kancelarja gjermane Angela Merkel bëri të ditur se prej kësaj të mërkure e deri më 10 janar do të ketë izolim të vendit, ku do të mbyllen shkollat dhe të gjitha dyqanet me shërbime jo-thelbësore.

Përsa i përket udhëtimeve jashtë Gjermanisë, ato nuk janë të ndaluara por çdokush që udhëton kur të rikthehet në Gjermani duhet të kryejë karantinën e detyruar, gjithmonë duhet të jenë në konsultim me Entit e Shëndetësisë në Gjermani. Dënimet për mosrespektimin e këtyre rregullave mund të shkojnë 25 mijë euro.

Bëhet fjalë për dhjetë ditë karantinim, por sipas rregullave në ditën e pestë bëhet tamponi dhe nëse dilni negativ jeni të lirë.

Lexo edhe- Izolimi gjerman, ja masat e reja qe merr Merkel

Megjithatë autoritetet gjermane rekomandojnë që gjatë periudhës së mbylljes për festat të shmangen udhëtimet e panevojshme brenda Gjermanisë dhe jashtë kufijve të saj.

Rekomandimi vlen dhe për udhëtimet që mund të jenë planifikuar në Shqipëri, Kosovë, Maqedoni, Mali i Zi, Zvicër dhe vende të tjera të BE-së.