Futbollisti shqiptar Arbër Zeneli prej vitit 2019 luan me ekipin e Reimsit në Francë. Futbollisti i kombëtares së Kosovës sot ka shënuar për ekipin francez një gol nga rivënia këndore. Pozicion nga i cili shumë pak futbollistë arrijnë të realizojnë.
Edhe pse u fut në lojë në minutën e 59-të shqiptari Zeneli arriti të shënoi, por ky gol nuk i siguroi fitoren skudrës tij që u mund 2-1 nga ekipi i Brestit.
Ky me siguri është goli më i bukur në karrierë për Zenelin, ndoshta edhe më i miri i sezonit në Francë tani për tani.
Në vitin 2018 Arbër Zeneli është shpallur futbollisti më i mirë i Kosovës dhe shprehej se ky cmim ishte një ëndërr e bërë realitet: “Ky çmim është një ëndërr që bëhet realitet për mua. Të shpallesh më i miri i vendit tënd pa dyshim është diçka mahnitëse dhe e papërshkrueshme. Falënderoj familjarët e mi, lojtarët, stafin e Kombëtares, por edhe atë të ekipit tim Heerenveen. Por, një falënderim i veçantë i takon ish-presidentin tonë, Fadil Vokrri, pa të cilin sot nuk do të ishim këtu ku jemi. Ky çmim për mua është një motiv shtesë. Do të mundohem që edhe në të ardhmen të japë maksimumin tim, pasi ta përfaqësosh Kosovën është kënaqësi dhe privilegj”, ka theksuar Zeneli.
