“Classic FM”, radioja prestigjioze e muzikës klasike prezanton dhjetëshen e kompozitorëve më të mirë anglezë, me kompozitorin John Tavener, ku ka marrë veprën e tij “Song of Athene” në interpretim të Korit të Filarmonisë së Kosovës me dirigjent Rafet Rudin.
“Song of Athene” është një prej veprave më të arrira të Tavenerit, që është interpretuar për të nderuar princeshën Diana në ceremoninë mortore në Londër. Disa muzikantë nga Kosova e kanë interpretuar këtë vepër në koncertin e 15 dhjetorit të vitit 2011 në kishën katolike “Shën Ndou” në Prishtinë.
“Classic FM” përvec John Tavener në dhjetëshen e kompozitorëve më të mirë anglezë, ka renditur edhe Benjamin Britten,William Byrd, Thomas Talis, Hubert Parry, Edward Elgar, Frederick Delius, Ralph Vaughan Williams, Gustav Holst dhe Henry Purcel.
