Lidhja e Arsimtarëve dhe Prindërve Shqiptarë (LAPSH) “Naim Frashëri” ka festuar 30-vjetorin e veprimtarisë në Zvicër në përgjithësi dhe në kantonin e Zyrihut në veçanti.
LAPSH-i gjatë kësaj periudhe 30 vjeçare ka bërë të mundur funksionimin e mësimit plotësues në gjuhën shqipe, pikërisht duke pasur për synim evitimin e asimilimit të fëmijëve shqiptarë dhe harresës së gjuhës shqipe. Nga ky institucion arsimor kanë dal qindra djem dhe vajza të pajisur me njohurit fillestare të shkrim-leximit, kuptimit të asaj që kanë mësuar dhe janë informuar me elementet bazë të kulturës dhe traditës së prindërve dhe të parëve të tyre.
Një një program të pergatitur per kete rast, transmetuar drejtëpërdrejt në kanalin “Youtube” u risollën video nga aktivitete të shumta që LAPSH ka realizuar ndër vite. Muzikë, recitime, interpretime, valle në tinguj shqiptarë, ishin pjesë e videove që risollën edhe njëherë në vemendje punën 30 vjeçare të mësuesëve dhe nxënësve në Diasporë. Për shkak të kushteve të krijuara nga COVID-19 nuk ishte e mund një takim me të gjithë nxënësit, ndaj nga secila shkollë në Zvicër u transmetuan video përshëndetëse për 30 vjetorin e LAPSH, si dhe një urim për festat e fundvitit.
Në Zvicër ka mjaft të rinjë të cilëve në karrierën e tyre u ka ndihmuar edhe njohja e gjuhës shqipe për t’u sistemuar në vende pune të mira, si në administrate, drejtësi, siguracione, sistemin shëndetësor etj., dhe LAPSH është një kontribues në këto raste.
