Këngëtarja shqiptare që jeton në Zvicër, Loredana ka publikuar albumin e saj më të ri, “Medusa”, të cilin e kishte paralajmëruar që në muajin shtator.
Më herët vetë këngëtarja postoi një foto krah reperit gjerman Ufo361 duke paralajmëruar se mbrëmjen e të enjtes do të dalë kënga bashkëpunim me të dhe albumi i plotë.
“Medusa” është tashmë në të gjitha platformat online dhe përmban 11 këngë, nga të cilat 4 me videoklipe dhe intron. Këngët janë të gjitha gjermanisht dhe titullohen: King Lori, Checka, Easy, Rockstar, Naher zu mir, Kein hunger, gangster, uh uh, Alles egal, Geht schon dhe Tut mir nicht.
Më herët vetë reperja me origjinë shqiptare është shprehur se nëpërmjet këtij albumi ka dashur të thotë gjëra që nuk e kanë lejuar të thotë, duke sqaruar se nuk janë thjesht tekste kënge, por jeta e saj në 18 muajt e fundit.
