“Rruga e Eneas” një projekt sa ambicioz dhe magjepsës që aktualisht po shqyrtohet nga Këshilli i Europës si hapi i fundit i mundshëm që do e bëjë këtë rrugë një itinerar të ri arkeologjik në vendet e Europës dhe Pellgun Mesdhetar duke ndjekur pikërisht rrugën e Eneas.

Miti i Eneas në rrëfimin virgjilian të Eneidës është një mjet vizioni dhe shpërndarje të trashëgimisë kulturore mesdhetare, trashëgimia e së cilës ishte Roma e lashtë.

Pikërisht përfshirja e Romës, e cila e pa Enean të ndiqte një itinerar që do ta kishte çuar atë nga Lindja në Perëndim, duke ikur nga Troja në flakë për t’u arritur në brigjet e Lazios, ka favorizuar bashkimin e rrjetit prestigjioz të organizatave që aderojnë dhe kontribuojnë në projekt, i Shoqatës Kulturore Romake Happening Cult, nga Antonio Ricciardi, Diana Daneluz dhe Viviana Saraceni.

Në përbërje të komitetit shkencor është edhe arkeologu shqiptar Neritan Ceka, ish ambasador i Shqipërisë në Romë për sitin arkeologjik të Butrintit, krahas emrave të tjerë të njohur të universiteteve të ndryshme prestigjioze.

Udhëtimi i Eneas dhe skena romake

“Rruga e Eneas” prek disa qytete mesdhetare: Troja, Antandros, Ainos-Enez (Turqi), Delos dhe Kretë, Ishujt Strofadi dhe Azio (Greqi), Butrint (Shqipëri), Castro (Pulia), Crotone (Kalabri), Ngushtica, Bregu i Ciklopit, Trapani Segesta dhe Erice (Siçili), Kartagjena (Tunizi), Capo Palinuro, Cuma-Pizzoli (Campania), Gaeta dhe Lavinium (Lazio) dhe pikërisht Roma.

Do të organizohen promovime të përbashkëta, konferenca dhe itinerare në vendet e tranzitit të Eneas, mes gjurmëve të dukshme të kalimit të mitit dhe historisë me qëllim përhapjen e vlerave të Mesdheut.