Gazeta zviceriane ‘Rheintaler Bote’, ka botuar një intervistë të kantautorit shqiptar Shqipton Rexhaj. Në shkrim citohen karriera, planet për të ardhmen dhe sukseset e Shqiptonit. Krijimtaria gjithmonë ka rrjedhur në damarët e Shqipton Rexhaj.
Si një 14-vjeçar ai botoi krijimet e tij në shtypin lokal, donte të xhironte filma dhe të shkruante poezi. Për një nga krijimet e tij, “Heimat der Heimatlosen”, ai u vlerësua me Çmimin e Promovimit Kulturor të St. Gallen.
Rexhaj publikoi një album në vitin 2006 dhe në vitin 2013 mori pjesë në Eurovision Song Contest. Në projektin e ri ai vjen si muzikant, tekstshkrues, skenarist, regjisor dhe aktor në të njëjtën kohë.
“Unë dua të paraqes një punë të plotë që bind me muzikë, tekst dhe video. Në veprat e mia është historia ime dhe unë gjithmonë kam folur vetëm për çështje personale” – ka thënë Rexhaj për gazetën zviceriane.
Projekti i tij i radhës është “Rexeye” dhe pritet të dalë deri në fund të vitit 2021. Normalisht projekti duhet të niste me këngët individuale siç ndodh në industrinë e muzikës, por Rexhaj ka nisur me këngët njëra pas tjetrës, njëkohësisht me videoklipin.
“Unë jam thjesht i lumtur që mund të jetoj pasionin tim dhe kam mbështetjen e familjes dhe artistëve të tjerë në Rheintaler. Pjesa tjetër do të shihet”, thotë ai, duke bërë të qartë se nuk do t’i mungojë krijimtaria në planet e ardhshme.