Justin Prendi dhe Dj Luciano janë mjaft të njohur si muzikant në Michigan dhe në të gjithë SHBA-në.

Por si është të bësh muzikë në një vend të madh si SHBA e që konkurrenca është e fortë?

“Çdo ditë të diele bëjmë muzikë shqiptare po jo vetëm, dhe kemi disa vete me tupan. Muzika shqiptare në bazë të pëlqimit të njerëzve, dhe rastësisht në lokale nate dëgjon këngë hip hopi shqiptar. Rinia shqiptare qarkullon shumë lokalet dhe tingulli është shumë i përshtatshëm”, tha Dj Luciano.

Të dy djemtë njihen nga komuniteti shqiptar dhe jo vetëm si mjeshtre të muzikës që organizojnë shumë mbrëmje që njerëzve u mbeten në mend gjatë. Justini është gjithashtu krijuesi i “Shqipërisë Etnike”, një promovuese e kulturës dhe artit shqiptar në Detroit.

“Personalisht mendoj që producentët shqiptarë në veçanti i bëjnë videot fantastike, ndërsa pjesën tjetër ia lëmë publikut ta vlerësoj”, tha Justin Prendi.

Justini thotë se kanë pasur mjaft koncerte me talente nga Shqipëria dhe shqiptarët në shtetet e tjera të SHBA-ve.

“Ne shqiptarët jemi shumë punëtorë dhe meritojmë shumë gjëra. Por duhet dora enj ë shqiptari tjetër që mund të jetë më i rritur në pozita për të ndihmuar. Shqiptarët i gjenden pranë njëri tjetrit”, tha më tej Justini.

Dj Luciano është nga Lezha e fillimisht emigroi në Gjermani ndërsa prej vitit 2000 jeton në SHBA.