Lista e yjeve që do të performojnë dhe prezantojnë çmime në edicionin e këtij viti të ceremonisë “Billboard Women in Music” tashmë është zbuluar dhe një prej tyre është artistja shqiptare Dua Lipa.

Çmimin “Powerhouse Award”, këngëtares Dua Lipa do ja dorëzoi Senatori Bernie Sanders. Ylli i popit shquhet si përkrahëse e përkushtuar e Sandersit, dhe dyshja tashmë ka arritur të krijojë një shoqëri të mirë.

Lipa do ta marrë këtë çmim pasi muzika e saj ka qenë në majë të listës së shitjeve, ka pasur shkarkime të mëdha në platformat muzikore dhe është transmetuar jashtëzakonisht shumë në radio stacione të ndryshme gjatë vitit.

Në mesin e personaliteteve të famshme që do të jenë pjesë e kësaj ngjarje në rolin e prezantuesve, përvecc Senatorit Bernie Sanders, do të jenë dhe Miley Cyrus, Lily Singh dhe Maluma.

Krahas kësaj, nëna e të ndjerës Breonna Taylor, Tamika Palmer, po ashtu do të ketë nderin e prezantimit të një ccmimi në ceremoninë e cila transmetohet “live” më 10 dhjetor në uebfaqen zyrtare të “Billboard”.

Ndërkaq në mesin e performuesve të shumtë do të jenë këngëtaret, Dolly Parton, Dua Lipa dhe Chloe x Halle, derisa rep artistja Cardi B do të nderohet me çmimin special “Billboard’s Ëoman of the Year” (Gruaja e Vitit).