Ndihmës trajneri i Shqipërisë Sergio Porrini ka folur për portierin shqiptar të Lazios Thomas Strakosha dhe betejën e tij me veteranin spanjoll Pepe Reina në një intervistë për radion italiane TMW.
“Thomas kishte dis vështirësi nga këndvështrimi fizik, ai ishte me COVID dhe nuk është kurrë e lehtë të fillosh sapo të kthehesh. Mendoj se është vetëm një moment. As Reina nuk dukej aq fenomenal, veçanërisht në Ligën e Kampionëve”, ka thënë Porrini.
Ai ka vijuat më tej duke thënë se shpreson që Strakosha të jetë sërish numër një, për Lazion dhe atë vetë. “Ai nuk duhet të demoralizohet por të stërvitet si zakonisht. I vetmi shqetësim është se në të shkuarën konkurrenca në gol nuk i ka bërë mirë askujt”, ka vijuar ai.
25-vjeçari shqiptar Strakosha i cili luan me bardhekaltrit deri më 2022 ka bërë gjashtë paraqitje në të gjitha ndeshjet deri më tani në këtë sezon, për një total prej 540 minutash. Ai ka pësuar 12 gola. Gjashtë ndeshje ai i humbi për shkak të COVID-19 dhe ka luajtur vetëm një herë që nga kthimi, në humbjen 3-1 me Udinese në fund të nëntorit.
