Ashtu si çdo fushë tjetër e jetës edhe muzika është prekur nga pandemia e koronavirusit, teksa mjaft artistë dhe koncerte kanë nisur të mbahen online për publikun e gjerë.

Kështu ndodh dhe për projektin muzikor “Perle Musicali in Villa” që shoqata Musica Pura lançoi në 2020 me një mënyrë të re, me më shumë vëmendje ndaj muzikantëve bashkëkohorë, kompozitorë dhe interpretues të rinj por që nuk arriti ta përfundojë për shkak të valës së dytë të pandemisë në Itali.

Tashmë publiku e ndjek online dhe drejtori artistik Eddi de Nadai dhe disa prej kompozitorëve dhe muzikantëve të përfshirë në program po dërgojnë në internet ftesat për të dëgjuar dhe njohur si një prezantim i veçantë i koncerte që tashmë janë planifikuar për pranverën e ardhshme.

Nga Shqipëria në këtë koncert të organizuar në rajonin e Friuli Venezia Giulia dhe fondacioni Friuli do të marrë pjesë dhe kompozitori vlonjat Aulon Naçi, që do të jetë një nga protagonistët e festivalit me koncertin me titull “Balcanica”, një program që do të përfshojë muzikën e Beethoven dhe partitura të vetë Naçit përfshi dhe diçka interesante që nuk e ka publikuar më parë e që frymëzohet nga këngët popullore të arbëreshëve në Itali.

Aulon Naçi tashmë është profesor në Universitetin e Arteve në Tiranë dhe kujton me dashuri dhe mirënjohje vitet e studimit të tij në Friuli në Konservatorin Tomadini të Udine me maestr Renato Miani.

Këto kompozime, në veçanti “Simfonia” nga tekstet e Menon dhe “Supplica a mia madre” nga Pasolini janë tashmë në repertor në internet dhe bashkë me kompozimet e profesor Aulonit që janë frymëzuar nga sugjerimet artistike dhe peizashore të vendit të Shqiponjave, që Naçi i promovon në mënyrë aktive.

Në rrjetet sociale të Musica Pura tashmë veç videos së Aulonit mund të dëgjojmë dhe kompozime të tij duke pritur e shpresuar, siç thotë vetë ai që të takohet në Pordenone së bashku me ansamblin e muzikantëve të rinj të shkëlqyer nga Ballkani që ka përzgjedhur për këtë projekt: Rudolf Baha në klarinetë, pianistja Ardita Bufaj, profesore në fakultetin e Muzikës në Universitetin e Arteve në Tiranë, violonçelistin 17-vjeçar Klaudio Zoto, një yll i ri i instrumentit në skenat europiane dhe sopranoja Marigona Qerkezi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.