Gjatë pushimeve të Krishtlindjeve pritet që rreth 15 milionë italianë, mes tyre edhe shqiptarë me shtetësi italiane do të udhëtojnë në destinacione të ndryshme.

“Niveli i kontaktit midis njerëzve do të rritet në mënyrë dramatike dhe, nëse duam të shmangim një valë të tretë duhet të qëndrojmë në shtëpi, deklaroi ministri jashtëm italian, Luigi Di Maio në emisionin “Porta a Porta”.

“Unë gjithashtu nuk do të shkoj në familjen time në Kampania”, shtoi ai. “Nëse të gjithë i respektojmë rregullat, vala e tretë nuk do të vijë. Unë e di që të moshuarit janë vetëm, por është shumë e rrezikshme të takohemi”, paralajmëroi ministri.

“Po përjetojmë një film të parë tashmë në valën e parë, ekzistojnë rregulla, rajonet janë ndarë sipas rrezikshmërisë, jo të bëjmë si të duam”, shtoi Di Maio duke komentuar mbi vendimin e kryetarit të bashkisës së Abruzzos, i cili kërkon të kalojë nivelin e alarmit nga e kuqja në portokalli dy ditë përpara afatit.

“Problemi nuk është rajoni ose kryetari i bashkisë. Problemi është menaxhimi i shtetit dhe precedentët që krijohen. Ne nuk jemi të lumtur për të mbajtur dyqane të mbyllura ose të pengojmë njerëzit të shohin të dashurit e tyre. Por, ne e dimë se çfarë kostosh janë, mijëra jetë njerëzish”, theksoi ministri.