Me të atin përkrah, me maskat e vendosura duke respektuar rregullat por të dy me fytyrë të mërzitur. Kështu është shfaqur Rita Ora disa ditë pasi festoi në fshehtësi ditëlindjen e saj të 30-të.

Ajo u shpreh se festoi në shtëpi por mediat britanike nxorën pamjet e festës në lokal, për të cilën Rita më pas kërkoi falje dy herë dhe ndërkohë mori dhe gjobë se vendosi në rrezik jetën e të tjerëve.

“The Sun” ka publikuar disa foto të Ritës dhe të atit të saj pas festës teksa të dy duken shumë të mërzitur në fytyrë. Një mik i familjes ka thënë se këngëtarja është e dëshpëruar që ka zhgënjyer fansat e saj dhe ndjehet keq për këtë.

“Rita e di që i ka zhgënjyer fansat e saj dhe ndjen një peshë të madhe përgjegjësie mbi shpatulla. Prindërit e saj janë të fundit që po e diskutojnë këtë gjë me të. Nëna e saj Vera e vizitoi atë të dielën për t’i dhënë një mësim të mirë. Dhe pastaj babai i Ritës, Besniku e nxori për një shëtitje të gjatë për të diskutuar se çfarë kishte ndodhur. Rita e di që ka bërë gabime dhe i është thyer zemra që u ka shkaktuar kaq shumë dhimbje dhe zhgënjim fansave të saj – le më familjen e saj. Ajo është tepër e afërt me Verën dhe Besnikun dhe ka marrë këshillat e tyre”, ka treguar burimi për “The Sun”.

Aktualisht, Rita Ora është rikthyer në studion e regjistrimit duke punuar për këngë të reja. Albumi i fundit i saj është në vitin 2018.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.