Konsullata e Përgjithshme e Republikës së Shqipërisë në Milano ndërpreu punën për disa javë për shkak të masave anti-COVID  të vendosura nga qeveria. Në një njoftim të ri Konsullata informon të gjithë qytetarët se kanë rifilluar sërish takimet për dokumenta biometrike.

Të gjithë qytetarët që kanë patur takim ne periudhën 9 nëntor 2020 – 4 dhjetor 2020 (periudhë në të cilën konsullata e ndërpreu këtë shërbim në vijim të DPCM të kryeministrit Conte) do të njoftohen personalisht për një datë të re takimi dhe orën kur duhet të paraqiten në konsullatë.

Njoftimi bëhet me email në adresat që qytetarët kanë rregjistruar në portalin e-Albania. Të gjithë shtetasit duhet të respektojnë datën dhe orën e caktuar duke patur parasysh emergjencën COVID-19 për të evituar sa më shumë grumbullimet në zbatim të rregullave të qeverisë italiane.

Qytetarët që kanë patur takim para datës 9 nëntor dhe nuk janë paraqitur mund të dërgojnë një e-mail në adresën e Konsullatës [email protected] dhe do të marrin një datë të re takimi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.