Ornela Ademi, shkencëtare dhe drejtuese Komiteti në “European Medicine Agency” në Hollandë, në një intervistë për emisionin “Opinion” flet lidhur me zhvillimet e fundit në aprovimin për hedhjen në treg të vaksinave kundër COVID-19 dhe procedurat që ndiqen për të shqyrtuar një aplikim.

Aktualisht vaksina e Pfizer/ BioNtech ka nisur të aplikohet sot në Britani, ndërsa Ademi shpjegon edhe çfarë po ndodh me vaksinat e tjera.

“Mund të them se Astrazeneca në bashkëpunim me Oxford dhe Johnson and Johnson kanë dërguar një aplikim për “rolling review”, që do të thotë që po bëhet një rishikim i fazës së parë dhe fazës së dytë të dosjes dhe nuk janë shumë larg një aprovimi, por vlerësimi mendohet se është rreth fillimit të vitit të ardhshëm ose afati më i fundit gjatë verës”, thotë ajo.

Ndërsa për shqyrtimin e vaksinës kineze apo ruse Ademi thotë se duhet të bëjnë kërkesë për aprovim pranë autoritetit, gjë e cila nuk ka ndodhur.

“Që EMA të marrë në shqyrtim një vaksinë duhet që vetë kompanitë të aplikojnë. Ne nuk mund të detyrojmë asnjë kompani të dërgojë aplikim në tregun europian. Nuk kanë dërguar kurrsesi asnjë aplikim te EMA. EMA nuk mund të bëj një shqyrtim pa pasur një aplikim përsa i përket rreth kësaj vaksine. Ato vetë, kompani të cilat e kanë prodhuar këtë vaksinë duhet të dërgojnë dosjen e tyre te EMA nëse duan që ta aprovojnë këtë në tregun europiane. Dhe për ta aprovuar këtë në tregu europian janë kushte mjaft rigoroze që duhet të paraqesin para se të bëhet një aprovim i tillë”, thtoë ajo.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.