Greqia ka marrë një tjetër masë për të përballuar situatën e pandemisë COVID-19. Mësohet se të gjithë udhëtarët që do të futen në Greqi nga data 18 dhjetor 2020 deri në 7 janar 2021 do të jenë të detyruar që të futen në karantinë 10-ditore.

Kryeministri grek Kyriakos Mitsotakis në një intervistë për kanalin televiziv “Alpha News” bëri me dije se nga data 18 dhjetor deri më 7 janar, të gjithë personat që hyjnë në Greqi duhet të bëjnë 10 ditë karantinë të detyruar.

“Nga 18 dhjetor deri në 7 Janar, të gjitha personat që do të hyjnë në Greqi pa përjashtim, nga çdo vend, do të kryejnë karantinë të detyruar 10 ditore Nga kjo masë nuk përjashtohet askush, edhe nëse është për udhëtim ekspres për punë, apo edhe studentët grekë që vijnë për pak ditë pushime sezoni.”

Kryeministri grek Kyriakos Mitsotakis ka bërë me dije gjithashtu se vaksina do të mbërrijë në Greqi menjëherë pasi të miratohet nga BE.

“Vaksina e Pfizer miratohet nga BE në 30 Dhjetor, pas 48 orësh arrin në Greqi. Të parët do vaksinohemi unë dhe familja ime, unë dhe presidentja e Greqisë, Katerina Sakelaropulu. Hezituesit duhet të dinë se vaksinat shpëtojnë jetë dhe janë e vetmja armë e sigurt për të fituar imunitetin ndaj COVID-19.”

Mitsotakis foli gjithashtu për masat anti-covid duke theksuar se për momentin nuk mendohet lirimi i masave.

“Nuk parashikohet rifunksionim i sferës së argëtimit, sidomos të natës, deri në vaksinimin e përqindjes më të lartë të popullsisë mund të arrijë deri në Pashkë. Shkollat do të rihapen në 7 janar, deri atëherë do të jetë stabilizuar situata në sistemin shëndetësor. Sivjet Krishtlindje do të kalojmë vetëm me deri në 9 persona në çdo shtëpi, do të zbatohet “lockdoën” i rreptë.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.