Pas pothuajse një muaj mbyllje, autoritetet greke kanë vendosur të hapin për këmbësorët pikën kufitare të kalimit në Kapshticë.
Kjo hyn në fuqi prej orës 06:00 deri në 22:00 të ditës së sotme dhe do të lejohen të dalin nga Greqia dhe të hyjnë në Shqipëri përmes Kapshticës këmbësorët dhe mjetet e tonazhit të rëndë.
Ndërsa autobusët, taksitë, apo çdo mjet tjetër i transportit të pasagjerëve, nuk do të lejohet të kalojë.
NJOFTIMI I PLOTE I DREJTORISE SE KUFIRIT
Drejtoria Vendore e Kufirit dhe Migracionit Korçë.
Stacioni i Policisë Kufitare Kapshticë:
Informohemi nga Autoritetet e Policisë Greke, se në vijim të masave të marra mbi përballimin e situatës së krijuar për shkak të pandemisë COVID-19, prej ditës së sotme dhe në vazhdim, nga ora 06:00 deri në orën 22:00, do të lejohen të dalin nga Greqia dhe të hyjnë në Shqipëri nëpërmjet kësaj Pike Kalimi, vetëm këmbësorët dhe mjetet e tonazhit të rëndë, kamiona mallrash. Ndërsa autobusat, taksit, apo çdo mjet tjetër i transportit të pasagjerëve, nuk do të lejohet të kalojë.
Rikujtojmë qytetarët se hyrja për në shtetin grek, vijon të jetë e mbyllur.
Duke ju falenderuar për mirëkuptimin.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.