Shteti gjerman i Bavarisë, i cili ka vdekshmërinë më të lartë nga COVID-19, njoftoi sot, se do të shtrëngojë masat kufizuese nga e mërkura e ardhshme.

Kryeministri bavarez, Markus Soeder tha se qytetarët do të lejohen të largohen nga shtëpia vetëm për arsye madhore. Ai shtoi se do të lehtësojë disa masa gjatë Krishtlindjeve, por jo për Vitin e Ri.

Dhe ndërsa Gjermania e përballoi mirë epideminë gjatë marsit dhe prillit, ajo tani po përballet me një valë të dytë më vdekjeprurëse të përhapjes së infeksionit dhe ka futur një bllokim më të lehtë që nga fillimi i nëntorit. Gjermania përfshin kufizime në tubimet publike dhe restorantet dhe baret e brendshme, raporton Reuters.

Numri i infeksioneve të reja nuk po rritet aq shumë sa më parë dhe ka pasur ngecje, por Gjermania kishte një rekord të ri viktimash të mërkurën.