Këngëtarja shqiptare me famë botërore, Dua Lipa, ka dhënë së fundmi një intervistë për “Sunday Morning’”, ku ka folur për rrugëtimin në muzikë si dhe për qëllimet e saj në karrierë.

“Unë kam filluar me shaka duke thënë se, jam nisur për të dominuar botën, ky është plani im”, u shpreh ajo gjatë intervistës për “CBS News”.

Albumi i saj debutues “DUA Lipa” u transmetua për më shumë se shtatë miliardë herë në “Spotify”. Ai i dha asaj po ashtu dy çmime “Grammy”.

Javën e kaluar, 25 vjeçarja, u nominua sërish në “Grammy” duke thyer rekord me gjashtë nominime për albumin e saj të dytë, “Future Nostalgia”, i cili u lancua në treg mes krizës së COVID-19.

Dua gjatë intervistës tregoi se si nuk e kishte pritur që albumi i saj “Future Nostalgia” të ketë sukses kaq të madh edhe në pandemi.

“Dua të them, asnjëherë në një milion vjet nuk kam menduar se do të duhej të bëja një rekord gjatë një kohe të tillë”, tha ajo.

Lipa ka performuar që kur ishte fëmijë. Në të vërtetë ajo është shqiptare. Prindërit e saj janë kosovarë-shqiptarë që u larguan nga atdheu i tyre në vitet 1990. Theksojmë se Dua lindi në Angli, por familja u kthye në Kosovë kur ajo ishte 11 vjeçe.

“Ndikimi i luftës, është shkatërrues, dhe unë me të vërtetë u lidha shumë me rrënjët e mia dhe doja t’i kuptoja gjërat në një dritë krejt tjetër”, tha ajo.

Ajo i bindi prindërit e saj, Dukagjinin dhe Anesën, që ta linin të shkonte vetëm në Londër, ndërsa ata qëndruan në Kosovë.

“Unë jam mjaft bindëse, qartë! Prindërit e mi ishin akoma thjesht, si, “Çfarë po bën”? Si, a je i sigurt se kjo është ajo që dëshiron të bësh? Dhe unë isha tamam si, “Po, thjesht do të vazhdoj të shkoj”, ishte përgjigja e Duas.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.