Sipërmarrësi shqiptar Shpëtim Alaj ka fituar në Gjermani çmimin prestigjioz si sipërmarrësi i vitit për angazhim qytetar. Ka qenë shefi i Çështjeve Sociale, Arsimit, Rinisë, Shëndetit dhe Zhvillimit Urban, Ingo Wachtmeister ai që i ka dorëzuar çmimin.
“Shpëtim Alaj është një model për shoqërinë tonë urbane dhe gjithmonë me shumë pasion. Ne ju falënderojmë për këtë”, është shprehur Wachtmeister.
Ky çmim u jepet sipërmarrësve të cilët punojnë vullnetarisht apo u japin mundësi punonjësve të tyre të përfshihen në angazhime qytetare dhe Shpëtimi është një sipërmarrës me zemër të madhe për ThSV-Handball.
Që nga viti 2018 ai ka qenë president i ThSV-Eisenach, i përfshirë në Shoqatën e Çmimeve Miqtë e verës dhe është i përkushtuar për bashkëjetesën e mirë të kombësive të ndryshme në Eisenach.
“Një nder i madh për mua. Unë gjithashtu do të doja tju falënderoja shumë. Jam shumë i lumtur që kam jetuar në Eisenach për 29 vjet. E dua këtë qytet, e dua Thuringun dhe Gjermaninë”, tha Alaj.
Sipas sipërmarrësit shqiptar ka shumë mënyra drejt lumturisë, e një prej tyre është të mos ankohesh. “Ne nuk duhet të ankohemi, por të trajtojmë çështjet së bashku dhe të përfshihemi, sepse të gjithë jetojmë bashkë këtu”, tha Alaj.
Për shkak të masave kufizuese nuk mund të zhvillohej një ceremoni si zakonisht për marrjen e çmimit dhe jo pa qëllim u la data afër 5 dhjetorit që është Dita Ndërkombëtare e Vullnetarizmit. Kjo datë është vendosur nga OKB që nga viti 1986.
