Anjeza Gega, këngëtare dhe aktore, është një vajzë që ka shkuar në Los Angeles, pikërisht për të hyrë në industrinë e kinematografisë.

Si këngëtare ajo eksperimenton duke kënduar në nëntë gjuhë: shqip, anglisht, italisht, spanjish, greqisht, hindu, japonisht, gjermanisht e frëngjisht.

“Kur jetoja në Greqi ishte shumë e veçantë të ishe aktore apo këngëtare, kurse këtu është shumë e veçantë të jesh avokat apo doktor. Ka aktorë e këngëtarë e kërcimtarë në çdo vend dhe ka shumë sfidë me njëri-tjetrin. Në një audicion për aktrim ke 1 mijë veta. Sado të kesh talentin në mes atyre, të duhet të njohësh”, rrëfen Anjeza.

Për të jeta në Los Angelos është e vështirë dhe megjithëse ka 17 vjet atje ende e shohin si një person që erdhi nga një shtet tjetër për të ndjekur ëndrrën e saj.

“I vetmi ndryshim është se një person që vjen nga një shtet tjetër është më i fokusuar dhe i pastër në ëndrrën e tij sepse jo e bën të lumtur, një person që ka jetuar gjithë jetën në Amerikë thotë është hobi për mua”, rrëfen Anjeza.

Kur ka shkuar për herë të parë në Los Angelos ishte 12 vjeçe dhe thotë se fillimi ka qenë i vështirë për të pasi anglishtja e saj nuk ishte perfekte. Familja jeton në New York, por për Anjezën ai qytet ka teatrin ndërsa industria e filmit është në Los Angelos.

“Kam zgjedhur diçka sepse pika ime në jetë është të bëj diçka që më bën të lumtur sepse jeta është e shkurtër. Për mua ka qenë vetëm Zoti që më ka dhënë kurajo dhe nëna ime që më ka thënë vetëm ec përpara, nuk ka kthim për ty”, thotë Anjeza.

Duke ndjekur ëndrrën e saj ajo thotë se për të mbuluar shpenzimet e saj ka punuar si modele promocionale.