Mjeku shqiptar në SHBA dr. Sulejman Çelaj ka marrë nga presidenti Meta dekoratën “Kalorës i Urdhrit të Skënderbeut” pikërisht për ndihmën e dhënë prej tij për të prekurit nga tërmeti në Shqipëri.

Vajza e Dr. Çelaj ndodhet në Shqipëri bashkë me të atin për të dhuruar 10 mijë dollarët e mbledhur nga fëmijët e shkollës në New York për bashkëmoshatarët e tyre në Shqipëri.

Dr. Sulejman Çelaj (46), është kardiolog, asistent profesor në Fakultetin e Mjekësisë “Albert Ajnshtajn”, drejtor i Departamentit të intervenimeve dhe kateterizimeve kardiovaskulare në spitalin “S’t Barnabas” dhe kardiolog ne spitalin “Montefjore” të Nju-Jorkut, i cili ka folur për lexuesit e revistës TEUTA, për ecjet e tij të suksesshme që nga vendlindja në Gjakovë, studimet e mjekësisë në Rumani, specializimet në SHBA, qasjet e tij shkencore lidhur me zemrën, si dhe për familjen, për bashkatdhetarët dhe ecjet e fatit të popullit tonë, të Kosovës në veçanti, për të cilën është i lidhur aq shumë, siç thotë – “Edhe pse fizikisht ndodhem shumë larg, në çdo moment jetoj me të…”