Britania do të vendosë rregulla të reja për emigracionin teksa ministrat kanë premtuar se ato do të jenë “të thjeshta dhe fleksibile”.
Nga e marta, shumë shtetas të huaj përfshirë nga Bashkimi Europian të cilët dëshirojnë të punojnë në Mbretërinë e Bashkuar nga 1 janari do të duhet të aplikojnë në internet për një vizë, raporton BBC.
Ata që do të kërkojnë vizë pune do të duhet një ofertë pune, të jenë të aftë në anglisht dhe të fitojnë të paktën 25.600 paund.
Sipas Brexit, lëvizja e lirë me BE-në përfundon më 31 dhjetor.
Kujtojmë që Britania e Madhe u largua nga BE në 31 janar, por ka ndjekur kryesisht rregullat e saj gjatë periudhës pasuese të tranzicionit 11-mujor, pasi të dy palët përpiqen të arrijnë një marrëveshje tregtare.
Qeveria britanike bëri të ditur se po krijojnë një qendër të re Operacionesh Kufitar, e cila do të sigurojë mbikëqyrjen gjatë gjithë ditës të mallrave, udhëtarëve që vijnë dhe shkojnë nga portet britanike për herë të parë.
Si ndikojnë rregullat tek qytetarët që jetojnë tashmë në Mbretërinë e Bashkuar?
Qytetarët e BE-së që jetojnë tashmë në Mbretërinë e Bashkuar deri më 31 dhjetor dhe familjet e tyre nuk kanë pse të kalojnë në sistemin e ri, por mund të aplikojnë në EU Settlement Scheme dhe kanë kohë deri më 30 qershor 2021 për ta bërë këtë.
Nëse e kalojnë këtë, do të mund të qëndrojnë në Britaninë e Madhe dhe të kenë të njëjtat përfitime si shtetasit britanikë nëse mbeten të papunë.
Por ndërkohë rregulla të ndryshme zbatohen për punëtorët nga jashtë BE-së dhe emigrantët e BE-së që mbërrijnë pas përfundimit të periudhës së tranzicionit. Ata që humbin punën duhet të kthehen në vendin e tyre, përveç rasteve kur kanë leje të pacaktuar për të qëndruar.
