Jo vetëm paradë me makina veshur me flamurin kombëtar shqiptar në rrugët e SHBA-ve, por edhe në shtëpitë e kompanitë e bashkëkombësve atje.
Sipas raportimit të gazetarit Beqir Sina në New York edhe, këtë vit pra në 108 Vjetorin e Pavarësisë së Shqipërisë, veprimtar të komunitetit, biznesmenët shqiptar nga Shqipëria, Kosova, dhe të gjitha trevat shqiptare në SHBA, në vende nga më të ekspozuara në New York, vendosën flamurin kuq e zi dhe atë amerikan, në ndërtesat që janë pronë e tyre, me rastin e Festë së Flamurit 28 Nëntorit -108 Vjetori i Pavarësisë së Shqipërisë.
Për të pestin vit me radhë në shtizën mbi çatinë e ndërtesës ( Sunset Park Navy building) më të lartën dhe më të ekspozuarën, përgjatë ekspresit Brooklyn–Queens Expressway – ekspresit të madh në qytetin e Brooklynit – New York, ngrihet me rastin e 28 Nëntorit – Ditës së Flamurit, një flamur i madh Kuq e Zi, përkrah flamurit të SHBA, në shenjë respekti dhe mirënjohje edhe për atë çfarë kanë bërë për Shqipërinë, Kosovën dhe çështjen shqiptare Shtetet e Bashkuara të Amerikës.
Sina raporton se kjo është një nga autostradat më të frekuentuara, në ishullin njujorkez, mbasi ajo lidhë tre pjesët e këtij ishulli – Staten Island, Brooklyn, dhe Queens dhe Manhattan , veriun e SHBA të Amerikës me pjesën jugore nëpërmjet qytetit të New York-t, që nga familja e njohur dibrane vendoset në shtizën e saj Flamuri kuq e zi.
Ndërkohë, këtë vit në një pjesë tjetër të New Yorku-t, pjesën veriore të qytetit, ndërtesën e madhe të biznesit të tij, “Switch2 Ten” në White Plains, ka qenë veprimtari i njohur në Shtetet e Bashkuara, Harry Bajraktari, i cili me një video-përshëndetje, realizuar në hyrje të biznesit të ri, ku është vendosur Flamuri kuq e zi me rastin e Festë së Flamurit 28 Nëntorit -108 Vjetori i Pavarësisë së Shqipërisë, dhe flamuri Amerikan, ka urua me këtë rast të gjithë Shqiptarët : Gëzuar Dita e Pavarësisë së Shqipërisë!
