Në atmosferën e Festës së Pavarësisë së Shqipërisë është përfshirë edhe grupi suedez “MadMan’s Choice”, i cili ka sjellë një version origjinal të këngës “Xhamadani vija-vija”
“MadMan’s Choice” janë një grup alternativ rock metal nga Gothenburg Suedi.
Grupi suedez një vit më parë kanë qenë pjesë e një koncerti në Kosovë dhe mikëpritja që hasën në “Hardh Fest” në Rahovec, e frymëzoi grupin suedez për këtë projekt që vjen si dhuratë ndaj publikut për 28 Nëntor.
“Ky projekt është një mënyrë për të treguar vlerësimin tonë për njerëzit e mirë dhe Kosovën e bukur. Puna në këtë projekt ishte përvojë shumë argëtuese dhe e paharrueshme”, kanë shkruar grupi në kanalin YouTube. Ata bashkëpunuan me Bujar Berishën, Florent Boshnjakun dhe Berat Keqekollën për të sjell një version të rokut të përzier me këngën e famshme shqiptare.
