Shqiptarët në Selanik, Greqi kanë ndërmarrë një nismë humanitare për të ndihumuar njerëzit në këto kohë të vështira të pandemisë. Duke nisur nga dita e shtunë, datë 28 nëntor dhe në vazhdim çdo të shtunë deri më datë 19 dhjetor 2020 shqiptarët në Selanik do të mbledhin ndihma humanitare.
“Të ndihmojmë njerëzit në nevojë nga kushtet e vështira të pandemisë Covid-19. Të kontribojmë për një shoqëri më të mirë. Të solidarizohemi për një shoqëri me sa më pak probleme. Të ndihmojmë sa më shumë njerëz. Bashkohuni dhe ju në këtë nismë”, është thirrja që bëjnë shqiptarët e Selanikut në Facebook.
Selaniku është një ndër zonat më të prekura nga COVID në Greqi.
“Çdo të shtunë në orarin 11:00-13:00 dhe 16:00-18:00. Çdo gjë me të cilën mund të kontriboni është e rëndësishme shumë. Sado e vogël qoftë për ju, për dikë është shumë e madhe. Grumbullimi bëhet tek qëndra IRIDA , Venizelou 59”, thuhet në njoftim.
