Në Kroaci po zhvillohen ditët e kulturës shqiptar dhe nata e tretë i është kushtuar poezisë shqipe me poezi të figurave qendrore të letërsisë kombëtare shqiptare, si Gjergj Fishta dhe Naim Frashëri.

Moderatorja e mbrëmjes poetike Valentina Mrijaj vlerësoi se takimi ishte një dëshirë për të ndarë e shijuar poezitë e mrekullueshme të autorëve shqiptarë, të cilët kanë shënuar lënë gjurmë jo vetëm në letërsinë shqipe por dhe atë botërore.

Disa prej poezive u interpretuan dhe nga deputetja Ermina Lekaj Prljaskaj. Ndërkaq, krahas leximit pati dhe shpjegime dhe komente mbi autorët.

Në këtë mbrëmje poetike ishin të pranishëm dhe përfaqësues të Shoqatës së Artistëve Shqiptare në Kroaci si dhe Shoqatës së të Rinjve në Kroaci.

Ditët e Kulturës Shqiptare në Kroaci përmbyllen më 27 nëntor me tryezën e rrumbullakët “Pozita e shqiptarëve në Kroaci”.