Dikur ishin dy vajza që punonin në qendrën historike dhe që shpërndanin buzëqeshje, njohuri në fytyrat kozmopolite që flisnin një mijë gjuhë në hijen e kupolës së “Santa Maria del Fiore”.

Kështu e nis shkrimin e saj “OK!Firenze” kushtuar dy vajzave shqiptare Elsa dhe Klaudia të cilat në këtë kohë pandemie nuk zgjodhën të ankohen, por të ëndërrojnë në një kohë kur edhe ëndrrat duket se paguhen me këste nga një e ardhme e mbytur.

Qendra historike e Firences për shkak të pandemisë mbeti e trishtë dhe e shkretuar dhe vajzat ëndërronin të largoheshin që aty. Madje ato kanë guxuar dhe kanë hapur një kantinë vere mes dyqaneve të shtrenjta të qytetit.

Elsa dhe Klaudia vendosën kështu të hapnin kantinën në një cep të rrugës “Via Erbosa” i cili për Firencen ishte kthyer në një cep të errët e të trishtë, por vajzat përmbysën trendin duke ndezur një flakë shprese për të gjithë. Në sipërmarrjen e tyre dominojnë një përzgjedhje e kujdesshme e produkteve toskane, por që janë për të gjithë. Kanë vetëm një javë që e kanë hapur por tashmë kanë fituar lagjen e tyre dhe përtej saj.